
While we dey follow Tinubu plane from Paris, for Makurdi people no sleep.
Rain wey start around 10pm Sunday for the Benue State capital, Majurdi, no gree stop till almost 7am Monday. 9 hours straight. I saw video from my cousin for North Bank — water don enter parlour, fridge dey float.
Areas wey flood worst be Wurukum, Achusa, Idye, and parts of North Bank. Mama wey dey do Facebook live for Wadata around 6am dey cry: “My garri don spoil, my children mattress don soak, where we go sleep?”
Benue State Emergency Agency never release statement as of 7pm tonight. But people wey wade for water go work this morning talk say many roads blocked, okada no fit pass.
This na second time this month Makurdi dey flood. Last year same thing happen for same areas. People dey ask — where the drainage wey government promise?
If you get family for Makurdi, call them now check. If you fit help, even N2k to buy garri go help tonight.
I go update this story as soon as SEMA talk.



























